Աստված ինձ ձեռքեր է տվել, որպեսզի բարիք գործեմ,
ոտքեր, որպեսզի հիվանդներին, որբերին, ծերերին, ընկածին օգնության վազեմ, խելք է տվել, որպեսզի բարիք ստեղծեմ, սիրտ, որ գթասիրտ լինեմ խեղճի, որբի, տնանկի հանդեպ, ծնկներ է տվել, որ ծնկի գամ Իր առջև ու աղոթեմ: Սրանք են Աստծուն հաճելի գործերը:
Ի վերջո, մենք բոլորս էլ պետք է նպատակային օգտագործենք աստվածատուր խելքը: Պետք է մոտենանք Աստծուն և Նրանից իմաստություն խնդրենք, որովհետև միայն աստվածային իմաստությունն է, որ կարող է օգնել մեզ երկնային կերպով մտածել` հնարավորություն տալով աշխարհից մի փոքր վեր բարձրանալ և կյանքի առեղծվածին այդկերպ նայել:
Երբ դա անենք, Աստված կնայի մեզ վրա ու կասի. «Լա՛վ է, ապրե՛ս, քո միտքն Իմ մտքի նման է աշխատում, քո սիրտը Իմ սրտի պես է բաբախում: Ապրե՛ս, խելացի ու հավատարիմ ծառա, մտի՛ր քեզ համար պատրաստված հանգստի մեջ»:
Սահակ եպիսկոպոս Մաշալյան
No comments:
Post a Comment