ՄԱՀԻՑ ՄԻՆՉԵՎ ԿՅԱՆՔ ՄԵԿ ԺԱՄ: ԲԺԻՇԿՆԵՐԸ ՄԱՀ ԷԻՆ ԿԱՆԽՈՐՈՇԵԼ՝ ԱՍՏՎԱԾ ԿՅԱՆՔ ՏՎԵՑ

Օրեր առաջ տեղի ունեցավ հերթական հրաշքը: Մեկ տարեկան Նորիկը ուներ արյան քաղցկեղ: Հինգ ամիս արյան փոխներերկման հիվանդանոցում բուժում ստանալուց հետո, բժիշկները նրան մեկ ժամվա կյանք էին կանխորոշել: Բայց Աստված այլ ծրագիր ուներ Նորիկի համար: Նա ուղղարկեց իր զավակներին հիվանդանոց՝ լավ լուր տանելու Նորիկի ընտանիքին. Աստված կարող է բժշկել: Ապշեցուցիչ է այն հանգամանքը, որ չնայած այդ հուսահատ վիճակին, նրանց սրտում բարձրացավ գերբնական հավատք Աստծո նկատմամբ:  Երևանի <<Աստծո Տուն>> ավետարանական   Եկեղեցին` ավագ հովիվ Գրիգոր Սիմոնյանի առաջնորդությամբ, հավատքով միաբան աղոթք բարձրացրեց առ Աստված: Եվ աննախադեպ արագությամբ Նորիկի վիճակը բարելավվեց: Գրեթե երկու ամիս հետո բժիշկներն իրենք ասացին. կատարվածը բացարձակ հրաշք է՝ ոսկրածուծը սկսել է արյուն արտադրել: 

Գարունը այնքա՛ն ծաղիկ է վառել...

Գարունը այնքա՛ն ծաղիկ է վառել,

Գարունը այնպե՛ս պայծառ է կրկին.

— Ուզում եմ մեկին քնքշորեն սիրել,

Ուզում եմ անուշ փայփայել մեկին։

Այնպե՛ս գգվող է երեկոն անափ,

Ծաղիկներն այնպես նազով են փակվում.

— Շուրջըս վառված է մի անուշ տագնապ,

Մի նոր հուզում է սիրտըս մրրկում...

Անտես զանգերի կարկաչն եմ լսում,

Ւմ բացված սրտում հնչում է մի երգ.

—Կարծես թե մեկը ինձ է երազում,

Կարծես կանչում է ինձ մի քնքուշ ձեռք...

Մարդիկ անխոհեմ են, անտրամաբանական և եսակենտրոն, սիրիր նրանց ամեն դեպքում:Մայր Թերեզա

Մարդիկ անխոհեմ են, անտրամաբանական և եսակենտրոն, սիրիր նրանց ամեն դեպքում:
Երբ բարիք ես գործում, մարդիկ քեզ կմեղադրեն անձնասիրության հետին նպատակների մեջ, բարիք գործիր ամեն դեպքում:
Եթե հաջողակ ես և կեղծ ընկերներ և թշնամիներ ես վաստակում,հաջողիր ամեն դեպքում:
Բարիքը, որն անում ես, վաղը կմոռացվի,
բարիք գործիր ամեն դեպքում:
Ազնվությունը և անկեղծությունը քեզ խոցելի են դարձնում,
ազնիվ և անկեղծ եղիր ամեն դեպքում:
Տարիներ շարունակ քո կառուցածը մեկ գիշերում կարող է կարծանվել, կառուցիր ամեն դեպքում:
Մարդիկ իսկապես օգնության կարոտ են, բայց եթե օգնես նրանց, կարող են քեզ վրա հարձակվել, օգնիր ամեն դեպքում:
Տո'ւր աշխարհին քո ունեցած ամենալավը, և կփշրեն քո ատամները, Տո'ւր աշխարհին քո ունեցած ամենալավը ԱՄԵՆ ԴԵՊՔՈՒՄ

Այսօր հայ մեծ բանաստեղծ Հ. Թումանյանի ծննդյան օրն է

Այժմ ես կգամ,- ասում է Աստված,
Օգնել աղքատին իր ծանր կռվում.
Չեմ թողնի նրան հավիտյան լքված,
Նա Ինձ ապավեն կանչեց նեղ օրում:

Վայ ձեզ, հզորներ, որ իր խրճիթում
Լացացրիք խեղճին, այրուն ու որբին,
Ու վես, անպատիժ` ասիք ձեր սրտում –
Ո՞վ է վերևից նայում մեր ճամփին:

Մի՞թե կարծում եք` չէր տեսնում, լսում,
Նա, Ով ստեղծեց և աչք, և ականջ..
Մի՞թե կարծում եք` ուժն էր պակասում,
Եթե համբերեց դատելուց առաջ:

Իմ աչքերն անթարթ ձեր ճամփի վրա -
Հսկել եմ անքուն ես ձեր գործերին,
Էլ չեմ դանդաղիլ - գալիս եմ ահա,
Ես, Տեր զորությանց - և հուրն Իմ ձեռին:

Ես հուր եմ ձգում ճնշվածի հոգին,
Նրա համարձակ լեզվով ձեզ դատեմ,
Ես ուժ եմ տալիս աղքատի բազկին,
Նրա թիկունքին` գալիս եմ ձեր դեմ:
                                         

Ինչպես կամենում եք, որ մարդիկ ձեզ անեն, նույնպես էլ դուք արեք նրանց.....

Մի մարդ տուն է գնում իր համար,որը շատ շքեղ էր ու գեղեցիկ... կար այդտեղ նաև այգի... Նրա կողքին ապրում էր մի նախանձ հարևան, ով միշտ փորձում էր փչացնել նրա տրամադրությունը. աղբ է դնում դարպասի մոտ և այլն...
Մի անգամ մարդը դուրս է գալիս տնից բարձր տրամադրությամբ ու դարպասի մոտ դույլով աղբ է գտնում... նա վերցնում է դույլը, դատարկում աղբը ու դրա մեջ լցնում իր այգու ամենահյութալի խնձորները և գնում հարևանի տուն:
Հարևանը երբ լսում է դռան թակոցը, մտածում է. ''Վերջապե'ս, ես լցրեցի նրա համբերության բաժակը''... բացում է դուռը` կռվի հույս ունենալով, բայց մարդը տալիս է նրան խնձորներով լի զամբյուղն ու ասում.
_ Ով ինչով հարուստ է,նրանով էլ կիսվում է մյուսների հետ...

Բոլորն անհամբեր սպասում էին զանգերի ղողանջին, բայց այն այդպես էլ չէր հնչում...

Անգլիացի քաղաքական գործիչ Օլիվեր Կրոմվելը իր քաղաքական հակառակորդներից մեկին դատապարտում է մահվան՝ հրամայելով. «Երեկոյան՝ ժամը վեցին, երբ հնչեն տաճարի զանգերը, կտրե՛ք դատապարտյալի գլուխը»: Տաճարի բակում հետաքրքրասերների մի մեծ խումբ էր հավաքվել: Բոլորն անհամբեր սպասում էին զանգերի ղողանջին, բայց այն այդպես էլ չէր հնչում: Սովորականի նման ժամհարը ձգում էր պարանը, բայց զանգերը լուռ էին: Երբ վերև են բարձրանում, մի զարմանալի տեսարանի են ականատես լինում: Զանգի կոչնակից կախված էր մի կնոջ դի, որն էլ խափանում էր զանգի ղողանջը: Պարզվում է՝ դատապարտյալի կինն էր, ով չկարողանալով ոչնչով օգնել ամուսնուն, նրա փրկության համար զոհել էր սեփական կյանքը: Կրոմվելը, խորապես ազդվելով կատարվածից, դատապարտյալին ներում է շնորհում...

Այսօր` հունվարի 27-ին, աշխարհում նշվում է որպես հրեական ցեղասպանության՝ Հոլոքոստի զոհերի հիշատակի օր

Հրեաների հանդեպ ցեղասպանությունն իրականացվել է Գերմանիայի այն ժամանակվա ղեկավար Ադոլֆ Հիտլերի կողմից... Գերմանիայի կառավարությունն ընդունել է սեփական մեղքն ու ներողություն է խնդրել հրեա ժողովրդից: ՄԱԿ- ի որոշմամբ՝ հունվարի 27- ն ամբողջ աշխարհում նշվում է որպես հրեական ցեղասպանության՝ Հոլոքոստի զոհերի հիշատակի օր: Այսօր աշխարհի մի շարք երկրներում` ԱՄՆ-ում, Մեծ Բրիտանիայում, Ռուսաստանում, կանցկացվեն ոգեկոչման արարողություններ: 2007 թվականի հունվարի 26-ին ՄԱԿ-ի Գլխավոր Ասամբլեան ընդունեց «Հոլոքոստը ժխտելու» մասին բանաձևը, որը դատապարտում է 1933-45 թվականներին հրեաների ցեղասպանության ժխտումը: Բանաձևը Հոլոքոսթի ոգեկոչման օր հռչակեց ամեն տարվա հունվարի 27-ը` «Օսվենցիմ» համակենտրոնացման ճամբարը խորհրդային զորքերի կողմից ազատագրելու օրը: 1945 թվականի այս օրն այտեղից 3790 մարդ փրկվեց: 1945 թվականի հունվարի 27-ին Կարմիր բանակի զինվորներն ազատ արձակեցին Օսվենցիմ համակենտրոնացման ճամբարը`փրկելով 3. 790 մարդու կյանք: Հենց այս իրադարձության հետ կապված էլ այս օրը նշվում է որպես Հոլոքոստի զոհերիհիշատակի միջազգային օր: Իսկ 2007թվականի հունվարի 26-ին ՄԱԿ-ի ԳլխավորԱսամբլեան ընդունեց «Հոլոքոստը ժխտելու» մասին 61/255 բանաձևը, որը դատապարտում է 1933- 45 թվականներին հրեաների հոլոքոստի (ցեղասպանություն)ժխտումը:

Ոչ ոք չի ծաղրի Աստծուն, երբ...

Ոչ ոք չի ծաղրում Աստծուն, երբ հիվանդանոցում է:
 Ոչ ոք չի ծաղրում Աստծուն, երբ պատերազմի մեջ է :
 Ոչ ոք չի ծաղրում Աստծուն, երբ հրդեհի կամ ջրհեղեղի մեջ է:.
Ոչ ոք չի ծաղրում Աստծուն, երբ ինքնաթիռը սկսում է ուժեղ տարուբերվել:
 Ոչ ոք չի ծաղրում Աստծուն, երբ մութ նրբանցքում նրա ճանապարհը փակում են 2 անծանոթներ: Սակայն, երբ զվարճանքի վայրերից մեկում ինչ-որ մեկը գինովցած հումոր է անում Աստծու անունով, Որին չի ճանաչում, կամ երբ մի անմիտ ասում է, թե Աստված ատում է իրեն, հաճախ իր եզրակացություններով անում է այնպես, որ բոլորը սկսում են ծաղրել և զվարճանալ Աստծո անվամբ: Սակայն ոչ ոք չի ծաղրի Աստծուն, երբ կզգա իր մահկանացու մարմնի վրա մահվան սառը շունչը` ինչ-որ տեղ շատ մոտ, թիկունքի հետևում, կամ էլ մահվան դեմքին նայելուց:
 Ոչ ոք չի ծաղրում Աստծուն, երբ Աստված ներում է: Ոչ ոք չի ծաղրի Աստծուն ԴԱՏԱՍՏԱՆԻ ՕՐԸ...

Ջոն Քենեդին այս օրը` հունվարի 20-ին ընտրվեց ԱՄՆ-ի 35-րդ նախագահ

Հայտնի քաղաքական գործիչ Ջոն Ֆիցջերալդ Քենեդին ծնվել է 1917 թ.-ի մայիսի 29-ին Մասաչուսեթս նահանգում: Հայրը Ռուզվելտի առաջին օգնականներից էր, կառավարությունում՝ անվտանգության ծառայության պետը, վալյուտային և ծովային հանձնաժողովների ղեկավարը, Մեծ Բրիտանիայում ԱՄՆ դեսպանը: Գերազանց ավարտելով Հարվադի համալսարանը` նա աշխատանքի անցավ հոր մոտ՝ իբրև գործավար և ստացավ գործնական գիտելիքներ: Հաղթելով 1947 թ.-ի Կոնգրեսի ընտրություններում, նա դարձավ ներկայացուցիչների պալատի անդամ, իսկ 1952 թ.-ին՝ արդեն սենատոր էր: 1957 թվականին Ջոն Ֆիցջերալդ Քենեդին իր թեկնածությունն առաջադրեց նախագահական ընտրություններում: 1960 թ.-ին Դեմոկրատական կուսակցության կողմից նա առաջադրվեց նախագահի թեկնածու և ձայների փոքր առավելությամբ ընտրություններում հաղթեց: Իր անձնական հատկանիշների շնորհիվ Քենեդին երկրում մեծ ժողովրդականություն էր վայելում: Նա սպանվեց 1963 թվականի նոյեմբերի 22-ին:

«Ես ձեզանից բոլորիցդ կբողոքեմ Աստծուն, ես նրան ամեն ինչ կպատմեմ...»

Սիրիայում պատերազմի զոհ դարձած 3-ամյա փոքրիկի խոսքերը ցնցել են աշխարհը: Սա երեխայի վերջին լուսանկարն է հիվանդանոցից, որտեղ նրան բերել էին բազմաթիվ բեկորային վնասվածքներով և ներքին արյունահոսությամբ: Եվ չնայած, որ նա ընդամենը 3 տարեկան էր, բայց զգում էր, որ մահանում է: Մահանալուց առաջ փոքրիկի արտասանած վերջին բառերը ցնցել են բժիշկներին` «Ես ձեզանից բոլորիցդ կբողոքեմ Աստծուն, ես նրան ամեն ինչ կպատմեմ...»

«Աշխարհի տառապանքը». Նապոլեոն Բոնապարտ

Աշխարհի տառապանքը. Աշխարհը տառապում է ոչ թե վատ մարդկանց բռնապետությունից, այլ լավ մարդկանց լռությունից... Նապոլեոն Բոնապարտ

... Ու գնում է ժամանակը, ու փոխվում է ամեն ինչ:Այն, ինչ թանկ էր մի ժամանակ, հիմա դարձել է ոչինչ…

Նոր Տարին ձիո՞ւ տարի…

Նոր տարին այն եզակի տոներից մեկն է, որին սպասում է ողջ աշխարհը: Ամբողջ երկրով մեկ այն երևի թե ամենաշքեղ և մեծ աշխուժությամբ նշվող տոնն է: Նոր տարին հիշարժան է այնքանով, որ ասոցացվում է նոր սկզբի հետ. նոր կյանք, նոր մոտեցումներ, նոր հույսեր և այլն: Հենց այս գաղափարն է դրդում մարդկանց ունենալ յուրահատուկ վերաբերմունք դեկտեմբերի 31-ի գիշերվա հանդեպ: Այս գեղեցիկ գիշերվա հետ կապված բազմաթիվ առասպելներ և հեքիաթներ կան: Մարդիկ անգամ երազանք են պահում այդ օրը և հավատում, որ այն իրականանալու է: Իհարկե, այս ամենը գուցե գեղեցիկ և անվնաս մի բան է, սակայն այն, ինչ գտնում ես համացանցում, երբ որոնում ես «Նոր տարի» բառակապակցությունը, պարզապես ապշեցնում է: «2014 թվականին ձին հաջողություն կբերի, ձին նախընտրում է սա, նա…»… Ակամայից հարց է ծագում՝ այդ ինչպե՞ս է, որ քրիստոնյա երկրում հավատում են չինական կենդանակերպին: Մեր հասարակությունը միգուցե համակերպվել է, որ 206 թվականին Չինաստանի Չժոու դինաստիայի կողմից ստեղծված և օգտագործված հորոսկոպն այսօր կիրառելի է հայ հասարակության կողմից, բայց կան մարդիկ, որ պատրաստ են ընդվզել օտարածին և քրիստոնեությունից հեռու երևույթների դեմ: S.Tosunyan

Այսօր` դեկտեմբերի 25-ին ողջ Եվրոպան տոնում է Քրիստոսի Ծնունդը

Ըստ Գրիգորյան օրացույցի՝ այսօր Սուրբ Ծնունդ է: Այս օրը բազում մարդիկ տոնում են համայն մարդկության պատմության կարևորագույն Անձի՝ Հիսուս Քրիստոսի ծնունդը: Այսօր ժամանակ տրամադրե՛ք Աստծուն գոհություն հայտնելու այն ամենի համար, ինչ Նա արել է ձեր կյանքում: Սուրբ Ծնունդը Եվրոպայում սկսում են նշել դեկտեմբերի 24-ի գիշերից սկսած: Այդ երեկո, ըստ ավանդույթի, մարդիկ ուտում են ցորենից շիլա՝ մեղրով և մրգերով: Ըստ ավանդության` սեղան են նստում միայն, երբ երկնքում հայտնվում է առաջին երեկոյան աստղը: Այն խորհրդանշում է աստղի հայտնությունը, որն ամբողջ աշխարհին ավետեց Քրիստոսի Ծննդյան մասին: Հավատացյալները ընթրիքից առաջ սովորության համաձայն կարդում են Ավետարանից Քրիստոսի Ծննդի մասին հատվածը: Նրանք փոխանակվում են անաղ հացով՝ միմյանց բարեմաղթանքներ հղելով: Այս ամենից բացի, սեղանի շուրջը նստելիս ընդունված է ազատ տեղ թողնել՝ անհրաժեշտ սպասքով: Համարվում է, որ եթե որևէ մեկը մտնի տուն Քրիստոսի Ծննդյան նախօրեին, այդ դեպքում ընտանիքը պետք է ընդունի նրան որպես հարազատ մարդու: Այս սովորույթն արվում է հարազատներին և մտերիմներին հիշատակելու համար, որոնք այդ օրը հեռու են ընտանիքից:

Ռ. Բեքվիթին ու նրա վերջին ցանկությունը...

Սա մի հուզիչ պատմություն է, որ ժամանակին ցնցեց աշխարհը, և միգուցե շատերին է հայտնի, սակայն արժե կրկին վերհիշել փոքրիկ Ռեյչել Բեքվիթին ու նրա վերջին ցանկությունը, որով ոգեշնչվեցին հազարավոր մարդիկ բարեգործություն անելու համար: Իր ծննդյան ինն ամյակի կապակցությամբ նա իր հարազատներից ու ընկերներից ոչ թե նվերներ, խաղալիքներ կամ հագուստ էր ցանկացել, այլ խնդրել էր, որպեսզի նրանք համապատասխան գումարը փոխանցեն Charity Water բարեգործական հիմնադրամին, որ օգնում է թույլ զարգացած երկրների մարդկանց ապահովել մաքուր խմելու ջրով: Նա երազում էր հավաքել 300 դոլլար, ինչը բավարար էր փրկելու 15 մարդու կյանք: Բարեգործական հաշվեհամարի էջի վրա նա գրել էր հետևյալը. «2011 թ.-ի հունիսի 12-ին ես կդառնամ 9 տարեկան: Ես իմացել եմ, որ միլլիոնավոր մարդիկ մահանում են` չբոլորելով նույնիսկ իրենց ծննդյան հինգերորդ օրը: Ինչո՞ւ, որովհետև զրկված են մաքուր խմելու ջրից: Խնդրում եմ բոլոր ինձ ճանաչողներին այն գումարը, որ նախատեսել եք իմ նվերի համար, նվիրաբերեք բարեգործության համար»: Նա երազում էր հավաքել 300 դոլլար, բայց ընդհանուր գումարը կազմեց միայն 200 դոլլար, ինչը տխրեցրեց աղջնակին: Բայց նա հույս ուներ, որ հաջորդ ծննդյան տոնին կլրացնի անհրաժեշտ պակասը՝ չիմանալով, թե ճակատագիրն ինչ դաժան անակնկալ էր պատրաստել իր համար և, որ նրան վիճակված չէ տոնելու մյուս ծննդյան տոնը: Նա դարձավ խոշոր ավտովթարի զոհ, որից տուժեցին շատ մարդիկ, բայց, ցավոք, մահացավ միայն նա: Փոքրիկ Ռեյչելի մահվան բոթի հետ մեկտեղ տարածվեց նաև նրա վերջին ցանկության պատմությունը: Միլիոնավոր մարդիկ ձեռնամուխ եղան իրականացնելու աղջկա երազանքը և շարունակեցին գումար փոխանցել բարեգործական ծրագրին՝ դարձնելով այն ամենամասշտաբայինը Charity Water-ի պատմության մեջ: Կարճ ժամանակահատվածում հավաքվեց շուրջ 1 միլիոն դոլլար, որը բավականացրեց փրկելու 600 000 մարդկային կյանք:

Սպիտակի երկրաշարժից անցել է 25 տարի….

1988 թ. դեկտեմբերի 7-ին Հայաստանում տեղի ունեցավ ավերիչ երկրաշարժ: Այն ընդգրկեց հանրապետության տարածքի մոտ 40 տոկոսը: Հաշված վայրկյանների ընթացքում լրիվ կամ մասնակի ավերվեցին Սպիտակ, Լենինական, Կիրովական, Ստեփանավան քաղաքները…. Զոհվեց 25 հազարից ավելի մարդ, 500 հազարը մնաց անօթևան: Շարքից դուրս եկավ բնակֆոնդի 17 տոկոսը… Հայաստանի տնտեսությանը հասցված վնասը կազմեց 13 մլրդ ռուբլի… Հայաստանին համակողմանի օգնություն ցույց տվեցին աշխարհի ավելի քան 113 երկրներ և 7 միջազգային կազմակերպություններ: Ցավալի է այն, որ այդ օրերին Հայաստանին օգնություն բերող հարավսլավական ինքնաթիռը աղետի ենթարկվեց, և նրա 7 հոգուց բաղկացած անձնակազմը զոհվեց: Դեկտեմբերի 7-ը համազգային սգի օր է ողջ հայ ժողովրդի համար: Անցել է շուրջ 25 տարի այդ աղետալի երկրաշարժից, բայց ցավը և դառնությունը չեն մեղմվել: Ցավոք հայկական իրականությունից դեռևս չի վերացել <<աղետի գոտի>> տերմինը, բազմաթիվ ընտանիքներ շարունակում են մնալ նորմալ բնակարանային պայմաններին կարոտ, խնդիրները և անելիքները դեռևս բազմաթիվ են: Ողջ հայ ազգն է սգում, վառ պահելով աղետի զոհերի հիշատակը: 1988թ դեկտեմբերի 7-ի Սպիտակի երկրաշարժը Հայոց նորագույն պատմության հերթական սև էջն էր: Աստված հեռու պահի հայ ժողովրդին նման աղետներից...